बैंकले बढाए ब्याजदर, कुन बैंकको कति पुग्यो ?


नेपालन्युज
बिहीबार , ३१ भाद्र , २०७८

तरलता अभाव शुरू भएसँगै बैंक तथा वित्तीय संस्थाहरुले निक्षेप र कर्जाको व्याजदर बढाएका छन्। वाणिज्य बैंकहरूले साधारण बचत र मुद्दती खाता दुवैको व्याजदर बढाएका हुन्।

एक महिना अगाडिसम्म ५० अर्ब भन्दा माथि तरलता रहेको बजारमा अहिले करिब १९ अर्ब रुपैयाँमात्रै तरलता रहेको राष्ट्र बैंकले जनाएको छ । अधिकांश बैंक तथा वित्तीय संस्थाले मुद्दती खातातर्फको व्याजदर बढाएर करिब १० प्रतिशत पुर्‍याएका छन्।

त्यसोत, नेपाल राष्ट्र बैंकले मौद्रिक नीतिमार्फत् रेमिट्यान्सबाट प्राप्त हुने रकमलाई बचतमा प्रोत्साहन गर्नका लागि थप अतिरिक्त १ प्रतिशत व्याजदर दिनुपर्ने व्यवस्था गरेको छ। उक्त १ प्रतिशत व्याजदरसहित बाणिज्य बैंकहरूले दोहोरो अंकमा मुद्दतीको व्याजदर कायम गरेका छन्।

अब निक्षेपमा सबैभन्दा बढी ब्याजदर सनराइज बैंकले १०.०७ प्रतिशत दिने भएको छ  त्यस्तै धेरै ब्याजदर दिनेमा प्राइम कमर्सियल बैंकले ९.७५ प्रतिशत र मेगा बैंकले ९.५५ प्रतिशत दिने भएको छ।

त्यस्तै धेरै ब्याजदर दिनेमा बैंकहरुमा एनएमबी ९.५२ प्रतिशत, सानिमा ९.५१ प्रतिशत, ग्लोबल आईएमई ९.५० प्रतिशत, एनसीसी ९.२६ प्रतिशत रहेको छ । यता नबिल बैंकले भने मुद्दती निक्षेपमा ९.२६ प्रतिशत र साधारण निक्षेपमा ४.२६ देखि ६.२६ प्रतिशत ब्याज दिने बताएको छ।

त्यस्तै सेञ्चुरीले ९.२५ प्रतिशत, सिभिलले ९.२५ प्रतिशत, सिद्धार्थले ९.०५ प्रतिशत, हिमालयनले ९.०० प्रतिशतनेपाल इन्भेष्टमेन्टले ९.०० प्रतिशत, लक्ष्मीले ९.०० प्रतिशत, बीओकेले ८.७७ प्रतिशत, नेपाल बंगलादेशले ८.७६ प्रतिशत, माछापुछ्रेले ८.७५ प्रतिशत दिने बताएका छन्।


नेपालन्युज

नेपालन्युज

नेपालको पहिलो न्युज पोर्टल

थप समाचार

सम्पादकहरूको छनौट

Nepal's First Online News Portal
नेपालन्युज प्रालिद्वारा प्रकाशित
सम्पादक: राजु सिलवाल
सूचना विभाग दर्ता नं. १५०५/०७६–७७

सम्पर्क

कामपा–२, उत्तरढोका लाजिम्पाट, काठमाडौं

समाचार कक्ष
+९७७–०१–४४४५७५१/७५३/७५४

ई–मेल
info@nepalnews.com editor@nepalnews.com

सामाजिक संजाल


Terms of Use Disclaimer
© NepalNews. 2021 All rights reserved. | Nepal's First News Portal