२ सय कार्टुन रेडबुलसहित ४ जना पक्राउ


नेपालन्युज
बुधबार , ०६ श्रावण , २०७८

रेडबुल बिक्री गरेको आरोपमा प्रहरीले चार जनालाई नियन्त्रणमा लिएको छ। काठमाडौंका बिभिन्न स्थानमा रहेका होलसेल सप्लायर्स तथा मार्टहरुले बाह्य मुलुकमा उत्पादित इनर्जी ड्रिङक रेड बुल नेपालमा ल्याई बिक्री बितरण गरिरहेको आरोपमा मंगलबार महानगरीय प्रहरी महाशाखाबाट खटिएको बिशेष टोलीले ४ जनालाई पक्राउ गरेको हो ।

काठमाडौंको न्यूरोड, सिनामंगल, पूरानो बानेश्वर, कपन, गोठाटार लगायतका स्थानबाट प्रतिबन्धितरेडबुल समेत बरामद गरेको प्रहरीले महाशाखाले बताएको छ । उनीहरुको साथबाट २०२ कार्टुन (४८४८ थान) रेडबुल समेत बरामद गरिएको महाशाखाले जनाएको छ ।

पक्राउ पर्नेहरूमा प्रणव स्टोर न्यूरोडका सञ्चालक ४४ वर्षीय रबिनराज श्रेष्ठ, बाँके कोहलपुरका ३६ वर्षीय राजु पौडेल, शक्ति माता स्टोरका सञ्चालक ३१ वर्षीय धनबहादुर श्रेष्ठ र सामान ओसारपोसार गर्ने सर्लाही हरिपुर घर भएका गोठाटार बस्ने ३६ वर्षीय पिकअप चालक वीरेन्द्र चौधरी रहेका छन्। प्रहरीले प्रणव स्टोर न्यूरोडबाट ५९ कार्टुन, शक्तिमाता स्टोर कपनबाट ५९ कार्टुन पेय पदार्थ बरामद गरेको छ ।

बरामद सामाग्री मध्ये ८४ कार्टुन रेडबुल बा २१ च १२५ नम्बरको टाटा पिकअप भ्यानमा बिरेन्द्र चौधरीले बिक्रिवितरण गरिरहेको अवस्थामा प्रहरीले नयाँवस्ती गोठाटारबाट सामानसहित उनलाई पक्राउ गरेको हो । पक्राउ परेकाहरुलाई बरामद सामान सहित आवश्यक कार्वाहीको लागि भन्सार बिभाग पठाईने महाशाखाले जनाएको छ ।

साथै बरामद समानहरु खुला सीमानाको फाइदा उठाउदैं भारतसंग सीमानाका जोडिएका तराईका बिभिन्न जिल्लाहरुबाट लुकाइछिपाई नेपाल भित्र्याउने र पिक अप भ्यान तथा रात्रीकालीन बसका बिभिन्न भागमा लुकाई काठमाडौंमा ओसारपसार गरी बजारमा बिक्रिबितरण गर्ने गरेको भन्ने प्रारम्भिक अनुसन्धानबाट खुल्न आएको अनुसन्धानमा खटिएका प्रहरीले अधिकृतले बताएको छ। क्याफिनयुक्त रेडबुललाई नेपालमा आयात गर्न प्रतिबन्ध लगाएको थियो । भने विक्रिवितरणमा समेत पूर्णरुपमा बन्देज लगाईएको छ । 


नेपालन्युज

नेपालन्युज

नेपालको पहिलो न्युज पोर्टल

थप समाचार

सम्पादकहरूको छनौट

Nepal's First Online News Portal
नेपालन्युज प्रालिद्वारा प्रकाशित
कार्यकारी प्रवन्धक: सौरभ गुरुङ
सम्पादक: राजु सिलवाल
सूचना विभाग दर्ता नं. १५०५/०७६–७७

सम्पर्क

कामपा–२, उत्तरढोका लाजिम्पाट, काठमाडौं

समाचार कक्ष
+९७७–०१–४४४५७५१/७५३/७५४

ई–मेल
info@nepalnews.com editor@nepalnews.com

सामाजिक संजाल


Terms of Use Disclaimer
© NepalNews. 2021 All rights reserved. | Nepal's First News Portal