कोरोना भ्याक्सिन लगाएका १९ जनाको मृत्यु, ३० वर्षमुनिकालाई नलगाउन निर्देशन


बेलायतको औषधि नियामक संस्था एमएचआरएले ३० वर्षमुनिका मानिसहरूलाई एस्ट्राजेनेका निर्मित कोरोना भ्याक्सिन नदिइने जनाएको छ।

धेरै मानिसहरूमा मस्तिष्कमा रगत जम्ने समस्या (ब्लड क्लटिङ) समस्या देखिएपछि ३० वर्षभन्दा माथिका मानिसलाई मात्र यो खोप दिन लागिएको एमएचआरएले जानकारी दिएको छ। अब ३० वर्षभन्दा कम उमेरका मानिसहरूलाई कोरोनाविरुद्ध अन्य कम्पनीले तयार गरेका खोप दिइनेछ। 

मार्चको अन्त्यसम्ममा एस्ट्राजेनेकाको खोप दिइएका मानिसहरूमध्ये ७९ जनामा ब्लड क्लटिङ भएको र तीमध्ये १९ जनाको मृत्यु भएको पनि एमएचआरएले जनाएको छ।  एस्ट्राजेनेका निर्मित कोरोना भ्याक्सिन शंकास्पद ! 

एस्ट्राजेनेका निर्मित भ्याक्सिनकै कारण ब्लड क्लटिङ भएको पर्याप्त प्रमाण नजुटेपनि यो समस्या र एस्ट्राजेनेकाको भ्याक्सिनबीच गहिरो सम्बन्ध रहको सो नियामकले जानकारी दिएको छ। 

ब्लड क्लटिङका कारण ज्यान गुमाएकामध्ये दुई तिहाई महिला थिए। खोप लगाएपछि यो समस्या निम्तिएका १८ देखि ७९ वर्षसम्मका मानिसहरूको ज्यान गएको हो। बेलायतमा अहिलेसम्म दुई करोड डोज एस्ट्रेजेनेकाको खोप दिइएको बीबीसीमा खबर छ।


नेपालन्युज

नेपालन्युज

नेपालको पहिलो न्युज पोर्टल

थप समाचार

सम्पादकहरूको छनौट

Nepal's First Online News Portal
नेपालन्युज प्रालिद्वारा प्रकाशित
कार्यकारी प्रवन्धक: सौरभ गुरुङ
सम्पादक: राजु सिलवाल
सूचना विभाग दर्ता नं. १५०५/०७६–७७

सम्पर्क

कामपा–२, उत्तरढोका लाजिम्पाट, काठमाडौं

समाचार कक्ष
+९७७–०१–४४४५७५१/७५३/७५४

ई–मेल
info@nepalnews.com editor@nepalnews.com

सामाजिक संजाल


Terms of Use Disclaimer
© NepalNews. 2021 All rights reserved. | Website by Curves n' Colors And Thunder Codes