एनटिवीको परिणाम शून्य भएको व्यवसायीको आरोप

डिजिटल मार्केटिङमा जोड दिनु पर्ने सुझाव


नेपालन्युज
मंगलवार , २२ असार , २०७८

पर्यटन व्यवसायीहरुले नेपाल पर्यटन बोर्डले गरेको काम र बजेट लगानीको परिणाम शून्य जस्तै भएको आरोप लगाएका छन् । बजेट लगानी मात्र गरेको तर परिणाममा कहिल्यै चासो नदेखाएको भन्दै आउने दिनमा परिणाममुखी गतिविधिमा ध्यान दिन व्यवसायीहरुले सुझाव दिएका हुन् । 

नेपालको पर्यटनलाई पुनरुत्थान गर्न डिजिटल मार्केटिङमा जोड दिन नेपाल पर्यटन बोर्डलाई सुझाव दिएका छन् । उनीहरुले कोभिडको कारण तत्काल अन्तरराष्ट्रिय पर्यटकहरु आउने सम्भावना कम रहेकोले भोलीको तयारी स्वरुप डिजिटल मार्केटिङलाई जोड दिन बोर्डलाई आग्रह गरेका हुन । आव २०७८÷७९ को बजेटका सन्र्दभमा बोर्डले सोमबार आयोजना गरेको भच्र्युअल अन्तरक्रिया कार्यक्रममा धारणा राख्दै व्यवसायीहरुले बाह्य क्षेत्रमा नेपालको पर्यटकीय गतिविधिबारे जानकारी गराइराख्नु पर्ने बताए । उनीहरुले स्वास्थ्य सुरक्षालाई ध्यान दिँदै खोपको सुनिश्चितता गर्न र विस्तारै पर्यटनलाई चलायमान बनाउदै लैजानु पर्नेमा पनि जोड दिए ।

यो पनि पढ्नुहोस्

पर्यटन बोर्डको बजेट नतिजामुखी बनाउन विज्ञको सुझाव

कार्यक्रममा नेपाल वायुसेवा निगमका निर्देशक जनक रुपाखेतिले डिजिटल मार्केटिङसँगसँगै अन्तरराष्ट्रिय कनेक्टिभिटिमा जोड दिन आवश्यक रहेको बताए । यस्तै टर्किस एअरलायन्सका नेपाल कार्यालयका जनरल म्यानेजर अबदुल्ला टंसरले छिटो छिटो हुने स्वास्थ्य मापदण्डको फेरबदल र सिमित उडानले यतिबेला कम पर्यटक आएको बताउँदै अन्तरराष्ट्रिय समुदायमा नेपाल खुला छ भन्ने सन्देस दिने गरी आगामी कार्यक्रम आउनु पर्ने बताए । 

यस्तै एभिया क्लव नेपालका सञ्चालक नताशा श्रेष्ठले अहिले पनि बाह्य पर्यटक नेपाल आउन चाहेपनि महँगो भाडादर र आएपछिका मापदण्डका कारण पर्यटक आउन नसककेको जानकारी दिँदे त्यसलाई सहजिकरण गर्नु पर्ने बताइन । सेभेन समिटका सञ्चालक मिङ्मा शेर्पाले लकडाउन केही खुकुलो हुँदा पर्यतीय पर्यटनमा केही आशा जागेपनि पछिल्लो लकडाउने समस्या पारेको उल्लेख गर्दै दुवै डोज खोप लगाएर आएका तथा पिसिआर गरेर आएका पर्यटकहरुलाई सहज हुने गरी कार्यक्रम ल्याउनु पर्ने धारणा राखे ।

यो पनि पढ्नुहोस्

पर्यटन बोर्डको बजेट नतिजामुखी बनाउन विज्ञको सुझाव

 अन्तरक्रियामा बोर्डका उपाध्यक्ष तथा स्रोत व्यवस्थान एवं कार्यक्रम तथा बजेट व्यवस्थापन समितिका संयोजक चन्द्रप्रसाद रिजालले यो वर्ष डिजिटल मार्केटिङ र आन्तरिक पर्यटन नै बोर्डको प्राथमिकतामा रहेको बताउँदै जानकार िदिँदै बोर्ड स्रोत ब्यवस्थापनमा लागिरहको जानकारी दिए । उनले व्यवसायीहरका सुझावलाई समेटेर बोर्डले नीतिगत सुधारको लागि पहल गर्ने बताए । कार्यक्रममा पर्यटन बोर्डका पम्फा पौडेल धमलाले सिमित स्रोत साधनबाट अधिकतम र प्रभावकारी ढंगले काम गर्ने गरी बोर्डले तयारी गरिरहेको र सरोकारवाला निकायहरसँग समन्वय गरिरहेको बताइन । 


नेपालन्युज

नेपालन्युज

नेपालको पहिलो न्युज पोर्टल

थप समाचार

सम्पादकहरूको छनौट

Nepal's First Online News Portal
नेपालन्युज प्रालिद्वारा प्रकाशित
कार्यकारी प्रवन्धक: सौरभ गुरुङ
सम्पादक: राजु सिलवाल
सूचना विभाग दर्ता नं. १५०५/०७६–७७

सम्पर्क

कामपा–२, उत्तरढोका लाजिम्पाट, काठमाडौं

समाचार कक्ष
+९७७–०१–४४४५७५१/७५३/७५४

ई–मेल
info@nepalnews.com editor@nepalnews.com

सामाजिक संजाल


Terms of Use Disclaimer
© NepalNews. 2021 All rights reserved. | Nepal's First News Portal