काठमाडौं। प्रधानमन्त्री सुशीला कार्कीले निर्धारित मितिमा निर्वाचन गराउन सरकार प्रतिबद्ध रहेको बताएकी छन्।

बडा दसैंको अवसरमा आज जारी गरेको शुभकामना सन्देशमा उनले युवापुस्ताको अभूतपूर्व आन्दोलनको जगमा वर्तमान सरकार गठन भएको तथा यसले सरकारले तोकिएको मितिमा प्रतिनिधिसभाको निर्वाचन गराउने प्रतिबद्धता जनाएकी छन्। साथै, उनले देशमा सुशासन कायम गर्न आफू कटिबद्ध रहेको बताए।

प्रधानमन्त्री कार्कीले स्वदेश तथा विदेशमा रहेका सम्पूर्ण नेपालीहरू र दसैं मनाउने संसारभरका नेपाली भाषीहरूमा सुखशान्तिको कामना गरेकी छन्।

यसैबीच, प्रधानमन्त्री तथा मन्त्रिपरिषद्को कार्यालयले प्रधानमन्त्री कार्कीले यो वर्ष टीका नलगाउने तथा निवासमा आउनेलाई पनि टीका लगाइदिने कार्यक्रम नरहेको बताइएको छ।