काठमाडौँ
००:००:००
१९ मंसिर २०८२, शुक्रबार
काठमाडौं। जल तथा मौसम विज्ञान विभागले शुक्रबारबाट कोशी, मधेश, बागमती, गण्डकी र लुम्बिनीमा पानी पर्ने भन्दै सतर्क रहने आग्रह गरेको छ।
बुधबार बिहान तीन दिनको मौसम प्रक्षेपण जारी गर्दै विभागले बंगालको खाडीमा विकसित भएको न्युन चापीय रेखाको कारण नेपालमा जलवाष्प युक्त मनसुनी वायु प्रवेश गरेर शुक्रबार केही स्थानमा भारी वर्ष हुने जनाएको छ।
“नेपालमा जलवाष्फ युक्त मनसुनी वायु प्रवेश गरी १७ असोज अर्थात् एकादशीका दिन बाट देशको खास गरी कोशी, मधेश, बागमती, गण्डकि र लुम्बिनी प्रदेशसम्म मनसुनी गतिविधि सक्रिय हुने सम्भावना देखिएको छ। तसर्थ, नेपालमा यस वर्षको दशै अवधिभर मनसुनी वायुको प्रभाव रहिरहने देखिन्छ” विभागको बुलेटिनमा भनिएको छ।
विभागलेले शनिबार र आइतबार झनै ठूलो पानी पर्ने प्रक्षेपण गरेको छ। सामान्यता औषतमा २ अक्टोबरबाट नेपालमा मनसुन बाहिरिने भएपनि यसपटक मनसुनको अवधी लम्बिने विभागले जनाएको छ।
कुनै पनि स्थानमा एक दिनमा ५० मिलिमिटर भन्दा बढी वर्षा भए त्यसलाई भारी, १ सयदेखि २ सय मिलिमिटर वर्षा भए धेरै भारी र २ सय मिलिमिटर भन्दा बढी वर्षा भए अति भारी वर्षा भनिन्छ। विभागको पछिल्लो बुलेटिनमा शुक्रबार भारी, शनिबार धेरै भारी र आइतबार अतिभारी वर्षा हुने पूर्वानुमान छ।
कुन दिनको मौसम कस्तो ?
असोज १७ (एकादशी)(Oct 3): कोशी प्रदेश, बागमती प्रदेश, गण्डकी प्रदेश र लुम्बिनी प्रदेशका पहाड र तराई भू-भागका केही स्थानहरूमा तथा बाँकी प्रदेशका थोरै स्थानहरूमा हल्का देखि मध्यम वर्षाको सम्भावना रहेको छ। साथै कोशी प्रदेश, बागमती प्रदेश, गण्डकी प्रदेश र लुम्बिनी प्रदेशका एक-दुई स्थानमा भारी वर्षाको पनि सम्भावना रहेको छ ।
असोज १८ (द्वादशी)(Oct 4): कोशी प्रदेश, मधेश प्रदेश, बागमती प्रदेश, गण्डकी प्रदेश र लुम्बिनी प्रदेशका धेरै स्थानहरूमा तथा बाँकी प्रदेशका केही स्थानहरू हल्का देखि मध्यम वर्षाको सम्भावना रहेको छ ।साथै कोशी प्रदेश, मधेश प्रदेश, बागमती प्रदेश, गण्डकी प्रदेश र लुम्बिनी प्रदेशका थोरै स्थानहरूमा भारी देखि धेरै भारी वर्षाको सम्भावना रहेको छ ।
असोज १९ (त्रयोदशी)(Oct 5): कोशी प्रदेश, मधेश प्रदेश, बागमती प्रदेश, गण्डकी प्रदेश र लुम्बिनी प्रदेशका धेरै स्थानहरूमा तथा बाँकी प्रदेशका थोरै स्थानहरूमा हल्का देखि मध्यम वर्षाको सम्भावना रहेको छ । कोशी प्रदेश, मधेश प्रदेश, बागमती प्रदेश र गण्डकी प्रदेशका थोरै स्थानहरूमा भारी देखि धेरै भारी वर्षा र एक-दुई स्थानमा अति भारी वर्षा को सम्भावना रहेको छ।
