काठमाडौं। अमेरिकी विद्युतीय सवारीसाधन निर्माता टेस्लाले त्रैमासिक राजस्व रिपोर्ट सार्वजनिक गरेको छ। जसअनुसार कम्पनीको खुद नाफा ३७ प्रतिशतले घटेको छ।

कम्पनीले यो गिरावट अनुसन्धान र विकाससँग सम्बन्धित शुल्क र अतिरिक्त लागतका कारण भएको जनाएको छ।

सेप्टेम्बर त्रैमासिकमा टेस्लाको राजस्व २८ अर्ब डलर पुगेको छ, जुन गत वर्षको सोही अवधिको तुलनामा १२ प्रतिशतले बढेको छ।

कम्पनीले कर क्रेडिटको म्याद सकिनुअघि अमेरिकी ग्राहकले गरेको भारी खरिदका कारण यो वृद्धि भएको बताएको छ।

कम्पनीका सेयर लगानीकर्ताहरुले नोभेम्बरमा सीईओ एलोन मस्कको नयाँ तलब प्याकेजमा मतदान गर्नेछन्, जुन सम्भावित रूपमा १ ट्रिलियन डलरसम्मको हुन सक्छ। यद्यपि, नतिजा घोषणा भएपछि टेस्लाको सेयर ३.८ प्रतिशतले घट्यो।