काठमाडौं। नेपालले आज एएफसी एशियन कप छनौट अन्तगत मलेसियाविरुद्ध खेल्दैछ।

मलेसियामा हुने यो खेल नेपाली समय अनुसार साँझ ६: ४५ बजेदेखि शुरु हुने छ।

नेपाल र मलेसियाबीच अहिलेसम्म आठ खेल भएका छन्। जसमा ७ खेलमा मलेसिया विजयी भएको छ भने एक खेल बराबरी भएको छ।

पछिल्ल्लो पटक नेपालले गत मार्चमा भएको एसियन कपको छनोट खेल खेलेको थियो, जसमा मलेसिया २-० ले विजयी भएको थियो।

यो खेल खेल्न मुख्य प्रशिक्षक हरि खड्का र २३ सदस्यीय टिम मलेसिया पुगेको छ ।

नेपाली टिममा गोलकिपर किरण कुमार लिम्बु, दीप कार्की, विशाल सुनार अरिक बिष्ट,  मणिकुमार लामा, कुशल देउवा, अनन्त तामाङ, रोहित चन्द, सुमन श्रेष्ठ, सनिश श्रेष्ठ, अभिषेक लिम्बु, सुमित श्रेष्ठ, योगेश गुरुङ, लेकेन लिम्बु, मनिष डाँगी, रोहन कार्की, दिपेश गुरुङ, गिलेस्पी जंग कार्की, अन्जन विष्ट, आयुष घलान, दिनेश हेञ्जन, सुवास बम र आदित्य शाक्य रहेका छन् ।