दुबई। कम लागतको एयरलाइन्स फ्लाई दुबईले बुधबार बोइङसँग १३ अर्ब डलरको ७५ वटा ७३७ म्याक्स विमानको लागि सम्झौता गरेको बताएको छ।

दुबईको विमान कम्पनी फ्लाई दुबई समूहले आफ्नो सेवा विस्तारका लागि दुई दिनमा बोइङ र एयरबसबाट २०० भन्दा बढी विमानका लागि प्रारम्भिक अर्डर घोषणा गरेको छ।

कुल १३ अर्ब अमेरिकी डलर मूल्यका ७५ वटा ७३७ म्याक्स विमानका लागि र थप ७५ विमानको विकल्पका लागि दुवै पक्षले ‘दुबई एयरशो’ मा एक समझदारीपत्रमा हस्ताक्षर गरेका समूहले विज्ञप्तिमार्फत जानकारी गराएको छ।

फ्लाईदुबईले यसअघि नै ९० भन्दा बढी बोइङ ७३७ विमान सञ्चालन गरिरहेको छ।

फ्लाई दुबईका अध्यक्ष शेख अहमद बिन सइद अल मकतूमले भने‚ “भरपर्दो विमानको उपलब्धता र समयमै डेलिभरी हाम्रो उद्योगको निरन्तर वृद्धिका लागि महत्त्वपूर्ण छ र यो सम्झौताले हामी भविष्यको विकासका लागि राम्रो स्थितिमा रहेको सुनिश्चित गर्दछ।”

सम्झौता अमेरिकी विमान निर्माताका लागि प्रोत्साहन हो किनकि यसले घातक दुर्घटनाहरू’ अदालती मुद्दाहरू र यसको रक्षा शाखामा हड्ताल‚ साथै डेलिभरी ढिलाइजस्ता आरोप लागिरेको कष्टप्रद अवधिमा आफ्नो व्यवसायलाई ठूलो आर्थिक योगदान मिलेको छ।

फ्लाई दुबईले मंगलबार आफ्नो प्रारम्भिक एयरबस अर्डर घोषणा गरेको हो। कम्पनीले यो र सन् २०३१ देखि डेलिभर हुने २४ अर्ब डलरको १५० ए३२१ नियो जेटहरूको लागि सम्झौता पत्रमा हस्ताक्षर गरेको छ।

बोइङले तेस्रो त्रैमासिकमा गत महिनाको अन्त्यमा ५.४ अर्ब घाटा भएको रिपोर्ट गरेको छ। यसको ७७७ एक्स विमानको ढिलो प्रमाणीकरणबाट भएको ठूलो थप लागतले यसको नतिजालाई तुलना गर्न बाध्य पारेको छ।

एमिरेट्सले एलन मस्कको स्याटेलाइटबाट सञ्चालित नेटवर्क प्रयोग गर्न सुरु गर्ने बताएको एक दिन पछि फ्लाई दुबईले स्पेसएक्ससँग आफ्नो सेवामा स्टारलिङ्कको सेवालाई प्रयोग गर्न सम्झौतामा हस्ताक्षर गरेको छ।

फ्लाई दुबईको भगिनी एयरलाइन्स मानिने इमिरेट्सले सोमबार मध्य पूर्वको सबैभन्दा ठूलो एयर शोमा ३८ अर्ब डलरको सम्झौतामा ६५ वटा बोइङ जेट अर्डर गरेको थियो। -रासस/एएफपी