काठमाडौँ। हङकङको वाङ फुक कोर्टमा आगलागीमा लापरबाही गरेको आरोपमा प्रहरीले १३ जनालाई पक्राउ गरेको छ।
उक्त जानकारी सोमबार स्थानीय अधिकारीहरूले पत्रकार सम्मेलनमार्फत दिएका हुन्।

प्रहरीका अनुसार घटनाको विस्तृत अनुसन्धान अझै जारी छ। आवश्यक परे थप व्यक्तिलाई समेत पक्राउ गर्न सकिने सम्भावना छ।

आगो लागेका भवनबाट संकलित २० वटा निर्माण जालीका नमुनामध्ये सातवटा जाँचका क्रममा आगो प्रतिरोधको न्यूनतम मापदण्डसमेत पूरा नगरेको पुष्टि भएको अधिकारीहरूले बताएका छन्। यिनै कमजोर निर्माण जालीका कारण आगो अत्यन्त तीव्र गतिमा फैलिएको हुन सक्ने प्रारम्भिक निष्कर्ष आएको छ।