काठमाडौँ
००:००:००
३ पुष २०८२, बिहीबार
काठमाडौँ। दोस्रो संस्करणको नेपाल प्रिमियर लिग (एनपीएल)मा साबिक विजेता जनकपुर बोल्ट्सले पहिलो जित दर्ता गरेको छ। लगातार चार खेलमा पराजित भएर सङ्कटमा परेको जनकपुरले आज पाँचौँ खेलमा पहिलो जित हात पार्यो।
जनकपुरले चितवन राइनोजलाई ६ विकेटले पराजित गर्दै अङ्कतालिकामा खाता खोल्दै दुई अङ्क पनि जोड्यो। यो जितले जनकपुरको गणितीय हिसाबले भए पनि ‘प्लेअफ’को झिनो आशा बढेको छ। बाँकी रहेका दुई खेलमा फराकिलो जित निकालेर मात्रै त्यो सम्भावना सम्भावना रहने नभई जनकपुरले अन्य टोलीको नतिजामा पनि भर पर्नुपर्नेछ।
आजको जितमा अनिल साह ‘म्याच विनर’ बने। ६१ रन हिर्काउनुका साथै एक विकेट पनि झारेका अनिल ‘प्लेयर अफ द म्याच’ समेत चुनिए। जितपछि सञ्चारकर्मीसँगको कुराकानीमा साहले ‘प्लेअफ’को सम्भावना बाँकी रहेको बताए।
यो पनि…
“अझै दुई खेल बाँकी छन्। ती खेल जितेर प्लेअफमा पुग्ने सम्भावनालाई कायमै राख्छौँ। लगातारको हारले टोलीको मनोबल खस्किए पनि आजको जितले आगामी खेलमा सहज हुनेछ‚” उनले भने, “पछिल्ला खेलहरूमा रन ननिस्किँदा त्यही दबाब महसुस गरेको थिए। आज टिम ब्याक गर्दा रन पनि निस्किनु मेरो लागि खुसीको क्षण हो।”
पाँचौँ खेलमा तेस्रो हारपछि चितवन राइनोजको ‘प्लेअफ’को बाटो साँघुरो बन्न थालेको छ। बाँकी दुई खेलमा उसले जित निकाल्नुपर्ने दबाब बढेको छ।
आजको हारपछि चितवनका विदेशी खेलाडी डेबिड मालनले आगामी दुई खेल जित्दा ‘प्लेअफ’ पुग्ने सम्भावना रहेकाले जित निकाल्न मिहिनेत गरिने बताए।
हेर्नुहोस् थप समाचार :
