काठमाडौँ
००:००:००
२ पुष २०८२, बुधबार
खिचिक्क
काठमाडौँ। काठमाडौँ उपत्यकामा पछिल्ला दिनमा वायु प्रदूषण तीव्र रूपमा बढ्दै जाँदा आकाश धमिलो देखिन थालेको छ।
साता दिनअघि सम्म उपत्यकाबाट स्पष्ट देखिने हिमाल अहिले देख्न मुस्किल भएको छ। विशेषज्ञहरूका अनुसार मौसमी सुक्खा हावा, निर्माण स्थलबाट उड्ने ठूला धूलोका कण र अत्यन्तै साना धुलोधुवाँका कणको मात्रा बढ्नुले हावा बाक्लिँदै गएको छ।
वायु प्रदूषण मापन सूचकांक (एक्यूआई) काठमाडौंका विभिन्न स्थानमा १८०-२५० सम्म पुगेको छ। जुन ‘अस्वस्थकर’ मानिन्छ। यस्तो अवस्थामा सामान्य मानिसलाई समेत असर पर्न सक्छ भने दम, एलर्जी, मुटु र फोक्सोसम्बन्धी समस्या भएका व्यक्तिका लागि जोखिम अझै बढ्न सक्ने विज्ञहरु बताउँछन्।
पीएम२.५ कण २.५ माइक्रोनभन्दा साना हुने भएकाले आँखाले देखिँदैनन् तर नाक-फोक्सो हुँदै शरीरभित्र प्रवेश गर्न सक्छन्। यिनै कणहरूको मात्रा अत्यधिक बढ्दा दृश्यता घट्ने, आँखा पोल्ने, घाँटी चिलाउने, थकान बढ्ने र दीर्घकालीन रूपमा फोक्सो तथा मुटु रोगको जोखिमसमेत बढाउँछ।
प्रस्तुत छ नेपाल फोटो लाइब्रेरीका लागि सफलप्रकाश श्रेष्ठले खिचेका थप तस्बिर :
