काठमाडौँ। संयुक्त राष्ट्रसङ्घको आह्वानमा शान्ति स्थापना कार्यका लागि सेन्ट्रल अफ्रिकन रिपब्लिकमा तैनाथ युद्धभैरव गण (शान्ति सैनिक) तेस्रो डफ्फालाई बदली गर्न गोरखनाथ गणका शान्ति सैनिकको टोली मिसन इलाका प्रस्थान गरेका छन्।

चौथो डफ्फाका १७५ जना शान्ति सैनिकको पहिलो टोली आइतबार राति त्यसतर्फ प्रस्थान गरेको सैनिक जनसम्पर्क तथा सूचना निर्देशनालयले जनाएको छ। उक्त मिसनमा आफ्नो कार्यकाल सम्पन्न गरेका २२५ नेपाली शान्ति सैनिक स्वदेश फिर्ता भएका छन्।

हाल उक्त मिसनमा सेनाका एक हजार एक सय ८९ जना शान्ति सैनिक कार्यरत रहेको निर्देशनालयले जनाएको छ।