काठमाडौँ। नेपाली कांग्रेस केन्द्रीय कार्यसम्पादन समितिको बैठक भोलि (मंगलबार) पुनः बस्ने भएको छ।

कार्यवाहक सभापति पूर्णबहादुर खड्काको सभापतित्वमा आज (सोमबार) बसेको बैठकमा राष्ट्रियसभा सदस्य निर्वाचन २०८२ का सन्दर्भमा छलफल भएको मुख्यसचिव कृष्णप्रसाद पौडेलले जानकारी दिए। पार्टी पदाधिकारी तथा सदस्यहरूले धारणा व्यक्त गर्ने क्रम बाँकी रहेकाले बैठक भोलि पुनः ११ बजे बस्ने उनले बताए।

आजको बैठकमा सहमहामन्त्रीहरू फरमुल्लाह मन्सुर, महेन्द्र यादव, बद्री पाण्डे, जीवन परियार र कार्यसम्पादन समितिका सदस्यहरू गोपालमान श्रेष्ठ, विमलेन्द्र निधि, विजयकुमार गच्छदार, कृष्णप्रसाद सिटौला, अर्जुननरसिंह केसी, प्रकाशशरण महत, बलबहादुर केसी, नारायण खड्का, जिपछिरिङ लामा, सुजाता कोइराला, एनपी साउदले आ-आफ्नो धारणा व्यक्त गरेका थिए।

बैठकमा आमन्त्रित केन्द्रीय सदस्यहरू मीनेन्द्र रिजाल र मीन विश्वकर्मा, प्रदेश सभापतिहरू अमरसिंह पुन (लुम्बिनी प्रदेश) र वीरबहादुर बलायर (सुदूरपश्चिम प्रदेश)ले आफ्ना धारणा व्यक्त गरेका थिए।