टोकियो। पश्चिमी जापानको शिमाने प्रान्तमा ६.४ म्याग्निच्युडको भूकम्प आएको छ। भूकम्पलबाट धेरैजना घाइते भएको स्थानीय सञ्चारमाध्यमले जनाएका छन्।

भूकम्प स्थानीय समयअनुसार मंगलबार बिहान १०:१८ मा पूर्वी शिमाने प्रान्तमा करिब १० किलोमिटरको गहिराइमा आएको उल्लेख गर्दै त्यहाँको मौसम विज्ञान विभागले भूकम्पले जापानको शिमाने र टोटोरी प्रान्तहरू सबैभन्दा बढी प्रभावित भएको जनाएको छ।

विभागका अनुसार भूकम्पको केन्द्र ३५.३ डिग्री उत्तरी अक्षांश र १३३.२ डिग्री पूर्वी देशान्तरमा रहेको थियो। जेएमएका अनुसार ५.१ र ५.४ म्याग्निच्युड मापन गरिएका दुई परकम्पले समान क्षेत्रलाई स्थानीय समयअनुसार क्रमशः १०:२८ र १०:३७ बजे आएको थियो।

भूकम्पमा घाइते भएका कारण सिमाने प्रान्तको माट्सु सिटीका चार जनालाई अस्पताल लगिएको थियो। भूकम्पले सहरका धेरै घरको छतमा क्षति पुगेको सार्वजनिक प्रसारणकर्ता एनएचकेले जनाएको छ।

छिमेकी टोट्टोरी प्रान्तको सकाइमिनाटो सहरका प्रहरीले सडक चिरा परेको खबर प्राप्त गरेको जनाएको छ। भूकम्पको केन्द्रविन्दुबाट दक्षिणमा रहेको हिरोसिमा प्रान्तको फुकुयामा सहरमा भूकम्पका कारण दुईजना घाइते भएको रिपोर्टमा उल्लेख छ।

भूकम्प ६.२ म्याग्निच्युड रहेको उल्लेख गर्दै जेएमएले पश्चिमी टोटोरी प्रान्तमो लामो अवधिको भू-गति अवलोकन गरिएको बताएको छ। लामो अवधिको भू-गतिले ठूला भूकम्पहरूबाट तीव्र, ढिलो र निरन्तर भूकम्पीय छालहरूलाई जनाउँछ, जसले उच्च-वृद्धि भवनहरूलाई हल्लाइ माथिल्लो तलामा रहेका मानिसहरूलाई असर गर्न सक्छ। रासस/सिन्ह्वा