काठमाडौँ। नेकपा एमालेका महासचिव शंकर पोखरेलले सिंहदरबार जलाउन उक्साउने र जलाउने को हुन् भनेर प्रश्न गर्नुपर्ने बताएका छन्।

महासचिव पोखरेलले सामाजिक सञ्जाल फेसबुकमार्फत भूकम्पले क्षतिग्रस्त बनेको सिंहदरबार पुरानै स्वरूपमा पुनर्निर्माण गर्ने जिम्मेवारी एमाले नेतृत्वको सरकारकै भएको उल्लेख गर्दै त्यसलाई जलाउन उक्साउने अभिव्यक्ति कसले दियो भन्ने प्रश्न गरेका हुन्।

२३ र २४ भदौमा देशभर भएको जेनजी पुस्ताको आन्दोलनका क्रममा सिंहदरबार, संसद् भवन, विभिन्न नेताहरूका निवास, राष्ट्रपति कार्यालय तथा अन्य सरकारी संरचनामा आगजनी र तोडफोड गरिएको थियो।