काठमाडौं । स्पेनिस ला लिगाको शनिबार रातिको खेलमा गिरोनाले घरेलु समर्थकहरूलाई खुसी बनाएको छ।

आफ्नै मैदानमा भएको प्रतिस्पर्धामा गिरोनाले ओसासुनालाई १–० ले पराजित गर्दै महत्वपूर्ण तीन अंक जोड्न सफल भयो। खेलको पहिलो हाफको अन्त्यतिर, ४४औँ मिनेटमा भ्लादिस्लाभ भानातले गरेको गोल नै खेलको निर्णायक बन्यो।

दोस्रो हाफमा दुबै टोलीले केही अवसर सिर्जना गरे पनि गोल गर्न सकेनन्। ओसासुनाका प्रयासहरूलाई गिरोनाका रक्षक र गोलकिपरले सफलतापूर्वक रोकेका थिए।

यस जितपछि गिरोना २१ अंकसहित लिग तालिकाको १२औँ स्थानमा उक्लिएको छ भने ओसासुना १४औँ स्थानमै सीमित रहेको छ।