काठमाडौँ। अमेरिकी राष्ट्रपति डोनाल्ड ट्रम्पले इरानमा प्रदर्शनकारीमाथि सुरक्षा बलको हिंसापछि इरानी अधिकारीहरूसँगको सबै छलफल रद्द गरेको घोषणा गरेका छन। उनले इरानी नागरिकलाई छिट्टै सहयोग गर्ने बताएका छन।

ट्रम्पले इरानी नागरिकलाई गर्ने सहयोगको विवरण भने दिएका छैनन्। यसअघि, उनले इरानले अमेरिकी चेतावनीपछि वार्ता गर्न चाहेको बताएका थिए। मानवअधिकार संगठनका अनुसार इरानमा प्रदर्शनकारीमाथि कारबाहीका क्रममा २,००० भन्दा बढीको मृत्यु भइसकेको छ।

ट्रम्पले सामाजिक सञ्जालमा लेखेका छन्: “इरानी देशभक्तहरू, प्रदर्शन जारी राख्नुहोस् – आफ्ना संस्था कब्जा गर्नुहोस्! हत्यारा र दुरुपयोग गर्नेहरूको नाम सुरक्षित गर्नुहोस्। उनीहरूले ठूलो मूल्य चुकाउनेछन्। प्रदर्शनकारीको हत्या रोकिएसम्म मैले इरानी अधिकारीहरूसँगको बैठक रद्द गरेको छु। सहयोग छिट्टै आइरहेको छ।”

इरानमा दुई साताअघि सुरु भएको प्रदर्शन सर्वोच्च नेता आयातोल्लाह अली खामेनीमाथि केन्द्रित भएको छ।

ट्रम्पले इरानको सरकारले घातक शक्ति प्रयोग गरे अमेरिकी प्रशासनले “कडा विकल्प” अपनाउन सक्ने चेतावनी दिँदै आएका छन।