वाशिङ्टन ।  अमेरिकी राष्ट्रपति डोनाल्ड ट्रम्पले ग्रिनल्यान्डलाई आफ्नो नियन्त्रणमा लिने धम्कीलाई पुनः दोहोर्याएका छन्। सामाजिक सञ्जालमार्फत उनले धम्की दिएका हुन् । उनले भनेका छन्, “अब फर्किने बाटो छैन । ग्रिनल्यान्ड अत्यन्तै आवश्यक छ ।”

ह्वाइट हाउसमा आयोजित पत्रकार सम्मेलनका क्रममा ग्रिनल्यान्ड हासिल गर्न उनी कति टाढासम्म जान तयार छन् भन्ने प्रश्नमा ट्रम्पले, “तपाईंहरूले थाहा पाउनुहुनेछ,” भनेर जवाफ दिएका थिए।

यसैबीच, स्विट्जरल्याण्डमा भइरहेको वर्ल्ड इकोनोमिक फोरमको बैठकमा फ्रान्सका राष्ट्रपति इमानुएल म्याक्रोन र क्यानडाका प्रधानमन्त्री मार्क कार्नीले चेतावनी दिएपछि ट्रम्पले ग्रिनल्यान्डबारे थप धारणा सार्वजनिक गरेका हुन् ।

राष्ट्रपति ट्रम्प बुधबार डाभोस पुग्ने कार्यक्रम रहेको छ। उनले त्यहाँ ग्रिनल्यान्डसम्बन्धी “धेरै बैठकहरू तय गरेको बिबिसीले उल्लेख गरेको छ ।