काठमाडौँ। युरोपेली युनियन (ईयू) अध्यक्ष उर्सुला डेर लेयनले युक्रेनी राष्ट्रपति भ्लोदिमिर जेलेन्स्कीसँग वार्ता गरेकी छन्।

एक्समा सार्वजनिक गरिएको एक पोस्टमा उर्सुला डेर लेयनले भनेकी छन्‚ “मैले यो साता शान्ति वार्ताअघि राष्ट्रपति जेलेन्स्कीसँग कुरा गरेँ। युक्रेनविरुद्धको यो क्रूर युद्धको चौथो वर्ष नजिकिँदै गर्दा रुसले आफ्नो युद्ध अपराध बढाइरहेको छ। यसले नागरिक पूर्वाधार र घरहरूमा आक्रमण गरिरहेको छ।”

उनले वर्षौं-वर्ष‚ सधैँ युक्रेनका लागि युरोपको समर्थन अटल रहेको उल्लेख गरेकी छन्। “हामी ताप र बत्तीहरू बाल्न सयौँ जेनेरेटरहरू पठाइरहेका छौँ‚” उनले भनेकी छन्।

उनका अनुसार ईयूले युक्रेनलाई अर्को दुई वर्षका लागि ९० अर्ब युरोभन्दा बढी ऋण प्रस्ताव गरेको छ।

उर्सुलाले भनिन्‚ “हामी युक्रेन र हाम्रा अमेरिकी साझेदारहरूसँग मिलेर एकल‚ एकीकृत समृद्धि ढाँचातर्फ अघि बढिरहेका छौं। हामी चाँडै प्रतिबन्धहरूको हाम्रो २०औँ प्याकेज प्रस्तुत गर्नेछौँ। यो शान्तिका लागि वास्तविक मनसायका साथ वार्ताको टेबलमा आउन रूसमाथि दबाब बढाउने उद्देश्यले गरिएको हो।”