काठमाडौँ
००:००:००
२५ माघ २०८२, आईतवार
काठमाडौं। स्वास्थ्य सेवा विभागकी तत्कालीन महानिर्देशक डा.संगिता कौशल मिश्रालगायतको भ्रष्टाचार मुद्दामा विशेष अदालतले प्रमाण बुझ्ने आदेश दिएको छ।
आइतबार (माघ २५) विशेष अदालतका न्यायाधीश नारायणप्रसाद पौडेल, डिल्लीरत्न श्रेष्ठ र विदुर कोइरालाको इजलासले अख्तियार दुरुपयोग अनुसन्धान आयोगबाट प्रमाण बुझ्ने आदेश दिएको हो।
गत कात्तिक २ गते स्वास्थ्य सेवा विभागकालागि मेमोग्राफी मेसिन खरिद प्रक्रियामा अनियमितता गरी १४ करोड रुपैयाँ भन्दाबढी हानिनोक्सानी पुर्याएको दाबीसहित तत्कालिन महानिर्देशक मिश्रासहित स्वास्थ्य सेवाको व्यवस्थापन महाशाखाका निर्देशक डा.श्रवणकुमार थापा, निर्देशक विवेककुमार लाल, वरिष्ठ स्वास्थ्य प्रशासक डा.सुरेन्द्रप्रसाद चौरसिया, प्रमुख लेखा नियन्त्रक भुवनप्रसाद काफ्ले, म्याक्सिम इनकर्पोरेसन ट्रेडर्स प्रालिका संस्थापक–सञ्चालक सुन्दर भुसालसहित १४ जनाविरुद्ध आयोगले भ्रष्टाचार मुद्दा दर्ता गरेको थियो।
अब यो मुद्दामा अख्तियारबाट अभियोगपत्र सम्बन्धित प्रमाण प्राप्त भएपछि मात्र सुनुवाइ अघि बढ्नेछ।
