काठमाडौँ। साताको दोस्रो कारोबार दिन आज (सोमबार) नेप्से २.४१ अंकले बढेको छ। नेप्से बढे पनि अघिल्लो दिनको तुलनामा कारोबार रकम भने घटेको छ।

अघिल्लो कारोबार दिनको तुलनामा नेप्से ०.०९ प्रतिशतले बढ्दै २६१६.९७ विन्दुमा अडिएको छ।

सोमबार सेन्सिटिभ इन्डेक्स पनि १.६५ अंकले बढेर ४५१.०५ विन्दुमा रोकिएको छ। सेन्सेटिभ इन्डेक्स अघिल्लो कारोबार दिनको तुलनामा ०.३६ प्रतिशतले बढेको हो। नेप्सेमा सोमबार ३२९ कम्पनीको ५६ हजार ३४७ पटकको कारोबारमा एक करोड २६ लाख २१ हजार १८८ कित्ता सेयर किनबेच भए।

जसमा सोमबार पाँच अर्ब १३ करोड ८६ लाख ४९ हजार ९४६ रुपैयाँबराबरको कारोबार भयो। आइतबारको तुलनामा कारोबार रकम भने घटेको छ। आइतबार नेप्सेमा ६ अर्ब ६९ करोड ९७ लाख २१ हजार २०४ रुपैयाँबराबरको कारोबार भएको थियो।

नेप्सेमा सोमबार १३ समूहको कारोबार भएकामा ६ समूहका सूचक बढ्दा सातवटा समूहका सूचक घटे। जसअनुसार वाणिज्य बैंक समूहको सूचक ०.२८‚ विकास बैंक ०.९०‚ फाइनान्स समूहको सूचक ०.५६ प्रतिशतले बढ्यो। होटेल तथा पर्यटन ०.३५‚ जलविद्युत् समूहको सूचक भने ०.२३ प्रतिशतले घट्यो।

यस्तै लगानी ०.३७ तथा जीवन बिमा समूहको सूचक ०.०७ प्रतिशतले बढे।

उत्पादन तथा प्रशोधन ०.०६‚लघुवित्त समूहको सूचक ०.०७‚ म्युचुअल फन्ड ०.४१ र निर्जीवन बिमा समूहको सूचक ०.२२ प्रतिशतले ओरालो लागे।

यसैगरी अन्य समूह ०.०८ प्रतिशतले बढ्दा व्यापार समूहको सूचक भने ०.०३ प्रतिशतले ओरालो लाग्यो।

नेप्सेमा सोमबार ११३ कम्पनीको सेयर मूल्य बढ्यो। १४० कम्पनीको सेयरमूल्य घट्दा नौ कम्पनीको भने स्थिर रह्यो।

दिनभर उतारचढाव भइरहेको नेप्सेमा सोमबार सबैभन्दा बढी साल्पा विकास बैंक लिमिटेडका लगानीकर्ताले कमाए। साल्पाका लगानीकर्ताले सोमबार ९.९९ प्रतिशतले सेयरमूल्यमा फाइदा गरे। साल्पाको सेयरमूल्यमा हिजो (आइतबार) भने सकारात्मक सर्किट लागेको थियो। सोमबार साल्पाको अन्तिम कारोबार मूल्य ४३९ रुपैयाँ कायम रह्यो।

यसैगरी एनआईबीएल समृद्धि फन्ड-२ का लगानीकर्ताले ४.८१ प्रतिशतले मूल्य गुमाए।

सोमबार सबैभन्दा धेरै कारोबार हुनेमा आँखुखोला जलविद्युत् कम्पनी लिमिटेड रह्यो। २६ करोड दुई लाख ९३ हजार ५५६ रुपैयाँको कारोबार भयो। आइतबार पनि आँखुखोलाको कारोबार सर्वाधिक भएको थियो। आइतबार आँखुखोलाको ६३ करोड ४२ लाख ४० हजार १०१ रुपैयाँको कारोबार भएको थियो। सोमबार आँखुखोलाको अन्तिम सेयर मूल्य प्रतिकित्ता ३४३ रुपैयाँ कायम रह्यो।