काठमाडौँ। २०८३ साल जेठ २३ गते शनिबार अधिक जेठ कृष्ण पक्षको षष्ठी तिथि। सन् २०२६ जुन ६ तारिख। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। नेपाल न्युजका लागि आचार्य ज्यो.प.बलराम उपाध्याय खकुरेलले तयार पार्नुभएको आजको राशिफल:
मेष: आजको दिन तपाईको लागि ऊर्जा र जोशले भरिएको छ। आत्मविश्वासको तीव्र बृद्धि हुनेछ र आज तपाईले लिएको कुनैपनि निर्णय तपाईको जीवनलाई दीर्घकालीन रुपमा प्रभाव पार्नसक्ने देखिन्छ।
वृष: आजको दिन केही भावनात्मक उतारचढावले भरिएको देखिन्छ। आफ्नो भावनालाई व्यक्त गर्दा संयमित हुनु बुद्धिमानी हुनेछ। खानपानमा विशेष ध्यान दिनुहोस्।
मिथुन: आजको दिन मिथुन राशिका लागि बहुपरिणामदायी देखिन्छ। विद्या, बौद्धिक कार्य, संचार तथा सृजनात्मक क्षेत्रमा आज ठूलो उपलब्धि मिल्न सक्छ। नयाँ कार्य योजनाहरू अघि बढाउने अनुकूल समय छ।
कर्कट: आज कर्कट राशिका लागि घरपरिवारप्रतिको जिम्मेवारी बढ्नेछ। नजिकका नातेदार वा परिवारका सदस्यसँग समय बिताउनुपर्ने परिस्थिति आउन सक्छ। पुराना सम्बन्धहरू पुन: बलियो बन्ने सम्भावना देखिन्छ।
सिंह: आजको दिन आत्मबल र जोशले भरिएको देखिन्छ। नेतृत्व गर्ने क्षमता देखिनेछ र कार्यक्षेत्रमा तपाईको विचारप्रति मानिसहरू आकर्षित हुनेछन्। नयाँ जिम्मेवारी वा प्रोजेक्टको प्रस्ताव आउन सक्छ।
कन्या: आजको दिन मनोवैज्ञानिक दृष्टिले गम्भीर हुने देखिन्छ। भावना र बौद्धिकता बीचको द्वन्द्वले निर्णय गर्न कठिनाइ ल्याउन सक्छ। अध्ययन वा अनुसन्धानमा समय दिन उपयुक्त हुनेछ।
तुला: आजको दिन सन्तुलित र व्यस्त रहनेछ। कार्यक्षेत्रमा नयाँ जिम्मेवारी आउन सक्छ भने पारिवारिक जीवनमा पनि ध्यान दिनुपर्ने स्थिति छ। पुराना समस्या समाधान हुँदै जानेछन्।
वृश्चिक: आज वृश्चिक राशिका लागि विशेष दिन हो, किनकि तपाईंको आन्तरिक विचारशक्ति बलियो छ। कुनै महत्वपूर्ण निर्णय गर्नु छ भने आजको दिन अनुकूल छ। पारिवारिक वातावरणमा सकारात्मक ऊर्जा रहनेछ।
धनु: आज धनु राशिका लागि उच्च उद्देश्य र दर्शनतर्फ झुकाव बढ्नेछ। तपाईको विचारहरूमा गहिराइ आउनेछ र जीवनप्रति बुझाइ अझ परिपक्व हुने सम्भावना छ। अध्ययन, यात्रा वा धर्मसँग जोडिएको गतिविधिमा सहभागी हुन सकिने दिन हो।
मकर: आजको दिन परिवर्तनशील छ। बाहिरी परिस्थिति अनुसार आफुलाई ढाल्न सकेमा लाभ हुने सम्भावना छ। कार्यक्षेत्रमा परिवर्तन, स्थानान्तरण वा नयाँ अवसरको संकेत देखिन्छ।
कुम्भ: आजको दिन कुम्भ राशिका लागि नयाँ विचार र योजना बनाउन अनुकूल छ। तपाईले लामो समयदेखि सोचिरहनु भएको कुनै काम आजबाट अघि बढाउन सकिनेछ। साझेदारीमा गरिएको काममा सफलता मिल्नेछ।
मीन: आजको दिन आत्मनिरीक्षण र परिवर्तनको छ। जीवनमा केही कुराहरू नयाँ ढंगले बुझ्न सकिनेछ। अध्ययन, ध्यान वा कला क्षेत्रमा गहिरो रुचि जाग्न सक्छ। कार्यक्षेत्रमा आत्मविश्वासमा कमी आए पनि आजका प्रयासहरूले भविष्यमा राम्रो आधार बनाउनेछन्।
राशिफल जे जस्तो भएपनि तपाईंको दिन शुभ रहोस् ।
