काठमाडौं। नेपाली बजारमा आज सुनचाँदीको मूल्य बढेको छ ।
नेपाल सुनचाँदी व्यवसायी महासंघका अनुसार आज सुनको मूल्य प्रति तोलामा १ हजार २०० रुपैयाँ बढेर २ लाख २२ हजार ५०० रुपैयाँमा कारोबार भइरहेको छ । अघिल्लो दिन सुन तोलामा २ लाख २१ हजार ३०० रुपैयाँमा कारोबार भएको थियो ।
त्यस्तै आज चाँदी तोलामा ५५ रुपैयाँले बढेर २ हजार ७४० रुपैयाँ पुगेको छ । अघिल्लो दिन चाँदी तोलाको २ हजार ६८५ रुपैयाँमा खरिद बिक्री भएको थियो ।
