काठमाडौँ। हङकङको ताई पो क्षेत्रको एक आवासीय क्षेत्रमा भीषण आगलागीमा भएको छ। आगलागीका कारण १३ जनाले ज्यान गुमाएका छन्।

घटनास्थलका तस्बिरहरूमा धुवाँ र आगोको मुस्लो, अग्नि नियन्त्रकहरू उनीहरूसँग लडिरहेका र आतंकित भएर भागिरहेका मानिसहरू देख्न सकिन्छ। रोयटर्सका अनुसार, हङकङको वाङ फुक कोर्ट नामक आवासीय परिसरमा आगलागी भएको थियो। उक्त परिसरमा आठवटा ब्लकमा फैलिएको दुई हजारवटा फ्ल्याट छन्।

हङकङ सरकारका अनुसार, वाङ फुक कोर्टमा बुधबार दिउँसो २:५१ बजे आगलागी भएको थियो, त्यसपछि अग्नि नियन्त्रक विभागलाई सतर्क गराइएको थियो। हङकङका अधिकारीहरूका अनुसार, मृत्यु हुनेको संख्या चारबाट बढेर १३ पुगेको छ।

अग्नि नियन्त्रक विभागले पत्रकार सम्मेलनमा १३ जनामध्ये नौ जनालाई घटनास्थलमै मृत घोषित गरिएको जनाइएको छ। चार जनालाई सिकिस्त अवस्थामा अस्पताल लगिएको तर बाँच्न नसकेको बताएको छ।

पत्रकार सम्मेलनमा एक अग्नि नियन्त्रकसहित १५ जना घाइते भएको पनि जानकारी दिइएको बीबीसीले समाचारमा उल्लेख गरेको छ।

अग्नि नियन्त्रक विभागले स्थानीय समयअनुसार दिउँसो ३:३० बजे मृतक अग्नि नियन्त्रकसँग सम्पर्कविच्छेद भएको बताएको छ। जब उनीहरु ४ बजे फेला परे। त्यसपछि अस्पताल लगिएको थियो, तर डाक्टरहरूले मृत घोषित गरे। मृतकको नाम हो वाई-हो थियो।

हङकङ सरकारद्वारा जारी विज्ञप्तिमा भनिएको छ‚ “अग्नि नियन्त्रक विभागका निर्देशक एन्डी येउङले हो वाई-होको मृत्युमा गहिरो समवेदना व्यक्त गर्दछन्।”

विज्ञप्ति अनुसार, ३७ वर्षीय हो वाई-हो आगलागीको घटनास्थलमा बेहोस अवस्थामा फेला परेका थिए र उनलाई प्रिन्स अफ वेल्स अस्पताल लगिएको थियो, जहाँ उनलाई मृत घोषित गरिएको थियो।

७६७ अग्निनियन्त्रक तैनाथ
घटनास्थलमा ७६७ अग्नि नियन्त्रक तैनाथ छन्। हङकङमा बीबीसी संवाददाता फोबी काङ भन्छिन् कि ताई पो रेल स्टेसनबाट बाहिर निस्कनेबित्तिकै धुवाँको गन्ध अत्यधिक हुन्छ। स्टेसन घटनास्थलबाट केवल ५०० मिटर टाढा छ।

घटनास्थलतर्फ जाँदै गर्दा हामीले धेरै मानिसलाई आगोले जलेका भवनहरू हेरिरहेको देख्यौं। दर्जनौं दमकल ट्रकहरू पार्क गरिएका थिए, र अझै पनि एकपछि अर्को आइपुगिरहेका थिए। अग्निनियन्त्रकहरूले यी ट्रकहरूबाट अक्सिजन ट्याङ्कीहरू सङ्कलन गरिरहेका थिए।

ताई पो जिल्ला काउन्सिलर मुई सिउ-फुङले बीबीसी चिनियाँ सेवालाई बताए कि लगभग ९५ प्रतिशत मानिसहरूलाई खाली गरिएको छ, र नजिकैका तीनवटा आवास ब्लकहरू खाली गरिएको छ।

प्रभावितलाई सामुदायिक केन्द्रमा सारियो
आगोबाट प्रभावितहरूलाई सामुदायिक केन्द्रहरूमा सारिएको छ। पूर्व जिल्ला परिषद् सदस्य हर्मन तिउ क्वान होले स्थानीय मिडियालाई बताएअनुसार कम्तिमा १३ जना अझै पनि आगलागीमा फसेका छन्।

प्रहरीले नजिकैका भवनहरू खाली गराएको छ, घाइते र प्रभावितका लागि हेल्पलाइन स्थापना गरिएको छ र सरकारले अस्थायी आश्रयहरू खोलेको छ।

हङकङको यातायात विभागका अनुसार‚ “धेरै सडकहरू बन्द गरिएका छन् र ३० भन्दा बढी बस मार्ग आगो लागेको क्षेत्रबाट टाढा सारिएका छन्।” विभागले आगलागी जारी रहँदा वास्तविक-समय ट्राफिक अवस्थालाई नजिकबाट निगरानी गरिरहेको पनि बताएको छ।

वाङ फुक कोर्टका बासिन्दा ह्यारी चेओङले रोयटर्सलाई बताएअनुसार उनले धेरै ठूलो आवाज सुने र नजिकैको ब्लकमा आगो लागेको देखे।

उनले भने‚ “म तुरुन्तै फर्किएँ र मेरा सामानहरू जम्मा गर्न थालेँ। मलाई थाहा छैन मलाई कस्तो लाग्छ। म आज राति कहाँ सुत्ने भनेर सोचिरहेको छु, किनकि म घर फर्कन सक्दिनँ।” -बीबीसी

यो पनि…

थाइल्यान्डमा ३०० वर्षयताकै भीषण वर्षा : ३३ जनाको मृत्यु‚ १० प्रान्त प्रभावित [तस्बिरसहित]