मोरङ। मोरङ क्षेत्र ६ का उम्मेदवार शेखर कोइरालालाई समर्थन गर्दै विभिन्न दलका उम्मेदवारले आफू निष्क्रिय बस्ने निर्णय गरेका छन्।

उनीहरूले प्रत्यक्षमा कांग्रेसका उम्मेदवार कोइरालालाई सहयोग गर्ने र समानुपातिकमा आफ्नै दललाई मत हाल्ने निर्णय गरेका हुन्। नागरिक उन्मुक्ति पार्टीका उम्मेदवार बलराम खवास, जनता समाजवादी पार्टी नेपालका राजु मण्डल र जनमत पार्टीका सुधराम माझी थारूले छुट्टाछुट्टै विज्ञप्ति निकालेर शेखर कोइरालालाई सघाउने निर्णय गरेका हुन्।

त्यसैगरी नेपाल मजदुर किसान पार्टीका उम्मेदवार तिलक राजवंशी, जनता समाजवादी पार्टीका महमद जाविर र जेन-जी समूहका उम्मेदवार राम खत्रीले शेखर कोइरालालाई सघाउने प्रतिबद्धता गर्दै निर्वाचन आयोगबाटै यसअघि आफ्नो उम्मेदवारी फिर्ता लिएका छन्।

अहिलेको अवस्थामा लोकतन्त्र र देशका आफूहरूको भन्दा कोइरालाको जित आवश्यक रहेको निष्कर्षमा पुगेर आफूहरूले उम्मेदवारी फिर्ता लिएको जनाएका छन्।