काठमाडौं। पूर्वसभामुख कृष्णबहादुर महरा र ओनसरी घर्ती तथा पूर्वराष्ट्रिय सभा अध्यक्ष गणेश तिमिल्सिनाले प्रयोग गर्दै आएका सरकारी सवारीसाधन फिर्ता गरेका छन्।
अर्थमन्त्री रामेश्वर खनालले गैरकानूनी रूपमा पूर्वपदाधिकारीहरूले भोग गरिरहेको सुविधा रोक्ने अभियान थालेपछि उनीहरूले गाडी बुझाएका हुन्।
जेन-जी आन्दोलनपछि बनेको तत्कालीन सुशीला कार्की नेतृत्वको अन्तरिम सरकारले पूर्वविशेष पदाधिकारीलाई दिइँदै आएको सेवा–सुविधा स्थगित गर्ने निर्णय गरेको थियो। त्यसपछि पनि प्रयोग हुँदै आएका सरकारी गाडी हाल फिर्ता गरिएका हुन्।
अर्थमन्त्री खनालले भने, “कानुनमा पूर्वसभामुख वा राष्ट्रिय सभा अध्यक्षलाई गाडी सुविधा दिने व्यवस्था छैन। त्यसैबीच, महरा, घर्ती र तिमिल्सिनाले प्रयोग गर्दै आएको सवारीसाधन फिर्ता गरेको औपचारिक जानकारी प्राप्त भएको छ।”
