जनकपुरधाम। मधेस प्रदेशको मुख्यमन्त्रीमा नेपाली कांग्रेसका संसदीय दलका नेता कृष्णप्रसाद यादवको दाबी पेस भएको छ। प्रदेश प्रमुख सुरेन्द्र लाभकरले शुक्रबार ५ बजेसम्मका लागि नयाँ सरकार बनाउन दलहरूलाई आह्वान गरेपछि ६ दलका नेताहरूको उपस्थितिमा दाबी प्रस्तुत भएको हो।

जसपा नेपालका प्रवक्ता एवं प्रदेशसभा सदस्य मनीष सुमनले नागरिक उन्मुक्ति पार्टीले समेत आफूहरूलाई समर्थन दिएको र उसका प्रदेशसभा सदस्य आइरहेकाले तत्काल ६ दलका ७७ जना प्रदेशसभा सदस्यको हस्ताक्षरसहित दाबी पेस गरिएको जानकारी दिएका छन्।