काठमाडौं। भगवान शिवको प्रिय महिना साउनको आज पहिलो सोमबार । बिहानै आराध्यदेव पशुपतिनाथ मन्दिरमा भक्तजन पूजाआजाका लागि पुगेका छन् ।

पशुपतिलगायत देशैभरका शिवालयमा आज विहानैदेखि भक्तजनको उल्लेख्य उपस्थिति देखिएको छ । मन्दिर परिसरमा भक्तजन शिव पूजनपछि दिनभर व्रत पनि बस्छन् ।

सूर्य मिथुन राशि भएर कर्कट राशिमा प्रवेश गरेको र दक्षिणायन शुरु भएको यो महिनामा भक्तजन महादेवका मन्दिरमा गएर पूजा आराधना गर्दछन् । सम्पूर्ण मनोकामना पूरा हुने जनविश्वास कायम छ ।