काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेले सुनसरीमा भएको घटनाबारे छलफल गर्न सर्वदलीय बैठक आह्वान गरेका छन्।

रास्वपाका महामन्त्री विपिनकुमार आचार्यका अनुसार लामिछानेले बुधबार बिहान ८ बजेका लागि सर्वदलीय बैठक बोलाएका हुन्। बैठक सिंहदरबारस्थित लेखा समितिको हलमा बस्नेछ।

छलफलमा संसद्मा रहेका सबै दलसहित उपेन्द्र यादव, महन्थ ठाकुर र सीके राउत नेतृत्वका दललाई समेत आमन्त्रण गरिएको आचार्यले जानकारी दिए।

बैठकमा सहभागी हुन सबै दललाई पत्राचार गरिसकिएको र शीर्ष नेताहरूसँग सभापति लामिछानेले व्यक्तिगत रूपमा फोनमार्फत पनि छलफलका लागि आग्रह गरेको बताइएको छ।