काठमाडौं। अमेरिकाको जर्जिया राज्यमा हुन्डाई र एलजीको संयुक्त इलेक्ट्रिक कार ब्याट्री कारखानामा अमेरिकी आप्रवासन अधिकारीहरूले छापा मारेर करिब ४७५ कामदारलाई पक्राउ गरेका छन्।

यो राष्ट्रपति डोनाल्ड ट्रम्पको दोस्रो कार्यकालको सबैभन्दा ठूलो कार्यस्थल छापा हो। पक्राउले निर्माण कार्य रोकिएको छ र राज्यकै सबैभन्दा ठूलो औद्योगिक लगानीमा अवरोध आएको छ।

अधिकांश पक्राउ परेकाहरू दक्षिण कोरियाली नागरिक हुन्। अमेरिकी अधिकारीहरूले अवैध प्रवेश वा भिषा अवधि नाघेका कामदारहरूलाई नियन्त्रणमा लिएको बताएका छन्। कम्पनीले निर्माण कार्य रोकिएको र कानूनी प्रक्रिया अनुसार सहयोग गरिरहेको जनाएको छ।

यसले अमेरिकाको प्रमुख सहयोगी दक्षिण कोरियासँगको सम्बन्धमा पनि तनाव ल्याउन सक्ने अनुमान गरिएको छ। दक्षिण कोरियाले नागरिक सुरक्षामा चिन्ता व्यक्त गर्दै यस घटनाले वाशिङटन र सियोलबीचको लगानी सम्बन्धमा असर गर्न सक्ने चेतावनी दिएको छ।