काठमाडौं। एन्फा प्रेसिडेन्ट कपमा आइतबारको पहिलो खेल लालिगुँरास एशोसिएसन क्लबका लागि अविस्मरणीय रह्यो।

टोलीका फरवार्ड आशिष गुरुङले सानदार प्रदर्शन गर्दै ह्याट्रिक गोल गर्दै जनजागृति क्लबलाई एकतर्फी नतिजामा ४–० ले पराजित गर्‍यो।

जारी प्रतियोगितामा यो पहिलो ह्याट्रिक हो। आशिषले खेलको ३३औं मिनेटमा खाता खोलेका थिए। त्यसपछि खेलको अन्त्यतिर उनले अझ शसक्त खेल प्रदर्शन गरे। उनले ९०औं र इन्जुरी समयमा थप दुई गोल गर्दै ह्याट्रिक पूरा गरे।

लालिगुँरासका यमबहादुर श्रेष्ठले टोलीका लागि थप एक गोल गर्दै जित सुनिश्चित गरे। यो जितसँगै लालिगुँरासले २ खेलपछि ४ अंक जोडेको छ। जनजागृति क्लब भने अझै अंकविहीन छ।