काठमाडौँ। प्रधानमन्त्री सुशीला कार्कीसँग २३ र २४ भदौमा भएका घटनाको जाँचबुझ गर्न गठित आयोगका पदाधिकारीले भेट गरेका छन्।

प्रधानमन्त्री तथा मन्त्रिपरिषद् कार्यालय सिंहदरबारमा आज (बुधबार) भएको भेटका आयोगका पदाधिकारीले एक महिना आयोगको म्याद थप गर्न आग्रह गरेको प्रधानमन्त्रीको सचिवालयले जनाएको छ।

आयोगका अध्यक्ष गौरीबहादुर कार्कीले प्रधानमन्त्रीसँग छलफलका लागि समय लिइएको र अर्को साता राजनीतिक दलका नेतालाई बयानका लागि बोलाइने बताए। मन्त्रिपरिषद्को ५ असोजको निर्णयअनुसार गत २३ र २४ भदौको घटनाबारे अनुसन्धानका लागि उच्चस्तरीय न्यायिक जाँचबुझ आयोग गठन गरेको थियो।