काठमाडौँ
००:००:००
१६ पुष २०८२, बुधबार
धनुषा। मधेस प्रदेशमा मुख्यमन्त्री कृष्णप्रसाद यादवको नेतृत्वमा नयाँ सरकार गठन भएको करिब एक महिनापछि प्रदेश सरकारको मन्त्रिपरिषद्ले पूर्णता पाएको छ।
मुख्यमन्त्रीको नेतृत्वमा गठित सरकारले आज (बुधबार) थप ६ मन्त्री समेटेसँगै मन्त्रिपरिषद् पूर्ण बनेको हो।
जनकपुरस्थित मधेस भवनमा ६ जना नवनियुक्त मन्त्रीले बुधबार प्रदेशका प्रदेश प्रमुख सुरेन्द्रलाभ कर्णसमक्ष पद तथा गोपनीयताको शपथ ग्रहण गरेका छन्।
मनीषकुमार सुमनलाई श्रम तथा यातायात मन्त्रालयको जिम्मेवारी दिइएको छ भने राजकुमार गुप्ताले भौतिक पूर्वाधार विकास मन्त्रालयले सिजम्मेवारी पाएका छन्।
शङ्करप्रसाद चौधरीलाई वन तथा वातावरण, श्यामप्रसाद पटेललाई भूमि व्यवस्था, कृषि तथा सहकारी मन्त्रालय, वसन्तकुमार कुशवाहालाई खेलकुद तथा समाज कल्याण मन्त्रालय तथा फकिरा महतोलाई गृह, सञ्चार तथा कानुन मन्त्रालयको जिम्मेवारी प्रदान गरिएको छ।
नयाँ मन्त्रीहरूको नियुक्तिसँगै मधेस प्रदेश सरकारको प्रशासनिक गतिविधि सक्रिय हुने अपेक्षा गरिएको छ।
गत १९ मंसिरमा नेपाली कांग्रेसका संसदीय दलका नेता कृष्णप्रसाद यादव सातदलीय गठबन्धनको समर्थनमा मुख्यमन्त्री नियुक्त भएका थिए।
२१ मंसिरमा पद तथा गोपनीयताको शपथ लिएका मुख्यमन्त्री यादव सोही दिन तीनजना मन्त्री नियुक्त गरेका थिए।
दोस्रोपटक उनले गत २९ मंसिरमा दुईजना मन्त्री नियुक्त गर्दै बिनाविभागीय मन्त्रीहरूलाई समेत जिम्मेवारी तोकेका थिए।
हेर्नुहोस् सूची :
