काठमाडौँ । सर्लाही प्रहरीले अवैध रूपमा ओसारपसार हुँदै गरेको ठूलो परिमाणको काठ बरामद गर्दै ट्र्याक्टर र चालकलाई नियन्त्रणमा लिएको छ।

सर्लाही प्रहरीका प्रवक्ता एवं प्रहरी नायब उपरीक्षक (डीएसपी) वेदप्रसाद गौतमका अनुसार असार १७ गते बिहान करिब ७:३० बजे पर्साबाट मलंगवातर्फ जाँदै गरेको ज.१ त ७१०० नम्बरको ट्र्याक्टरमा अवैध रूपमा मसला ९सपेता० जातको काठ ढुवानी भइरहेको भन्ने गोप्य सूचनाका आधारमा प्रहरीले विशेष निगरानीसहित जाँच गरेको थियो।

जाँचका क्रममा ट्र्याक्टरबाट करिब १६७.१८ क्युफिट बराबरका २२५ थान गोलिया काठ बरामद गरिएको प्रहरीले जनाएको छ।

घटनामा संलग्न ट्र्याक्टर चालक सर्लाहीको ब्रह्मपुरी गाउँपालिका-३ निवासी ४२ वर्षीय सुरेन्द्र महतोलाई पनि प्रहरीले पक्राउ गरेको छ।

डीएसपी गौतमका अनुसार बरामद काठ, ट्र्याक्टर तथा पक्राउ परेका चालकलाई आवश्यक अनुसन्धान तथा कानुनी कारबाहीका लागि डिभिजन वन कार्यालय लालबन्दीमा बुझाइएको छ।

प्रहरीले वन सम्पदाको अवैध ओसारपसार नियन्त्रणका लागि निगरानी तथा कारबाहीलाई थप प्रभावकारी बनाइएको जनाएको छ।