काठमाडौँ। २०८३ साल असार ९ गते मंगलबार सन् २०२६ जुन २३ तारिख। जेठ शुक्ल पक्षको नवमी तिथि । अन्तर्राष्ट्रिय एकल महिला दिवस । नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। नेपाल न्युजका लागि आचार्य ज्यो.प.बलराम उपाध्याय खकुरेलले तयार पार्नुभएको आजको राशिफल:

मेष: आजको दिन तपाईंका लागि सुखद रहनेछ। रोकिएका कामहरू सहजै बन्नेछन् र कार्यक्षेत्रमा तपाईंको प्रशंसा हुनेछ। बोलीको प्रभाव बढ्नाले नयाँ अवसरहरू हात पर्न सक्छन्। स्वास्थ्य राम्रो रहनेछ भने परिवारमा सुख(शान्तिको वातावरण बन्नेछ।

वृष: आज आर्थिक क्षेत्रमा विशेष लाभ मिल्ने योग छ। पुराना साथीभाइहरूसँग भेटघाट हुने अवसर मिल्नेछ। रोकिएको धन फिर्ता आउनाले मन प्रसन्न रहनेछ। व्यापार व्यवसायमा नयाँ लगानी गर्ने सोच हुनुहुन्छ भने आजको दिन उत्तम छ।

मिथुन: आजको दिन तपाईंको लागि मध्यम रहनेछ। कामको चाप बढ्नाले केही थकान महसुस हुन सक्छ। वादविवादबाट टाढै रहनुहोला, अन्यथा अनावश्यक तनाव सिर्जना हुन सक्छ। बेलुकापख भने पारिवारिक सहयोगले मनमा शान्ति मिल्नेछ।

कर्कट: आजको दिन नयाँ योजनाहरू बनाउनका लागि उपयुक्त छ। सामाजिक काममा रुचि बढ्नेछ र मान(सम्मानमा वृद्धि हुनेछ। प्रेम सम्बन्धमा निकटता आउनेछ। विद्यार्थी वर्गका लागि अध्ययन अध्यापनमा प्रगति हुने समय छ।

सिंह: आज खर्चको मात्रा अलि बढ्न सक्छ, त्यसैले आर्थिक कारोबार गर्दा सतर्क रहनुहोला। कार्यक्षेत्रमा केही चुनौतीहरूको सामना गर्नुपरे पनि मिहिनेत गर्दा सफलता मिल्नेछ। स्वास्थ्यप्रति अलि सजग रहनुहोला, खानपानमा ध्यान दिनु आवश्यक छ।

कन्या: तपाईंको आफ्नै राशिमा गोचर रहेकाले आजको दिन निकै उत्साहजनक र ऊर्जावान् रहनेछ। चिताएका कामहरू समयमै पूरा हुनेछन्। व्यक्तित्वमा निखार आउनेछ र नयाँ मानिसहरूसँग फलदायी सम्बन्ध स्थापित हुनेछ। यात्राको योग पनि बनेको छ।

तुला: आजको दिन सोचविचार गरेर मात्र निर्णय लिनुहोला। अल्छीपनका कारण केही महत्त्वपूर्ण अवसरहरू गुम्न सक्छन्। पारिवारिक मामिलामा केही मतभेद हुन सक्ने भएकाले धैर्यता राख्नुहोला। वैदेशिक क्षेत्रको काममा भने सफलता मिल्नेछ।

वृश्चिक: आज तपाईंको आम्दानीका स्रोतहरू बढ्नेछन्। दाजुभाइ तथा मित्रहरूबाट पूर्ण सहयोग मिल्नेछ। रोकिएका पुराना कामहरूले गति लिनेछन्। मनमा नयाँ उमङ्ग छाउनेछ र मनोरञ्जनात्मक गतिविधिमा सहभागी हुने अवसर मिल्नेछ।

धनु: कार्यक्षेत्रमा तपाईंको जिम्मेवारी बढ्न सक्छ। उच्च अधिकारीहरूसँगको सम्बन्ध सुमधुर रहनेछ र पदोन्नतिको सम्भावना पनि छ। घरपरिवारमा कुनै शुभ कार्यको आयोजना हुन सक्छ। समग्रमा आजको दिन उपलब्धीमूलक रहनेछ।

मकर: आज धार्मिक र आध्यात्मिक कार्यमा तपाईंको रुचि बढ्नेछ। लामो दूरीको यात्रा गर्ने योजना बन्न सक्छ। भाग्यले साथ दिने भएकाले थोरै मिहिनेतले पनि ठूलो सफलता मिल्न सक्छ। समाजमा तपाईंको साख बढ्नेछ।

कुम्भ: आजको दिन अलि सावधानी अपनाउनुपर्ने देखिन्छ। स्वास्थ्यमा केही कमजोरी महसुस हुन सक्छ। सवारी साधन चलाउँदा वा यात्रा गर्दा विशेष ध्यान दिनुहोला। गुप्त शत्रुहरू सक्रिय हुन सक्ने भएकाले आफ्ना योजनाहरू गोप्य राख्नु नै बुद्धिमानी हुनेछ।

मीन: जीवनसाथी वा व्यावसायिक साझेदारको सहयोगले आजका कामहरू सफल हुनेछन्। व्यापार व्यवसायमा राम्रो फाइदा हुनेछ। वैवाहिक जीवन सुखमय रहनेछ र नयाँ सम्झौताहरूका लागि आजको दिन निकै अनुकूल छ।

राशिफल जे जस्तो भएपनि तपाईंको दिन शुभ रहोस्।