काठमाडौँ। म्यानचेस्टर सिटीले च्याम्पियन्स लिगमा विजयी सुरुवात गरेको छ ।

सिटीले नापोलीलाई २–० ले पराजित गरेको हो। सिटीको जितमा एर्लिङ हालान्ड र जेरेमी डोकुले एक-एक गोल गरे। हालान्डले ५८औं मिनेटमा गोल गर्दै सिटीलाई अग्रता दिलाए भने डोकुले ६५औं मिनेटमा दोस्रो गोल गरे।

यस खेलमा नापोलीका खेलाडी जियोभानी डि लोरेन्जोले २१औं मिनेटमा नै रातो कार्ड पाएका थिए। जसका कारण नापोली बाँकी समय १० खेलाडीमा सीमित भएको थियो।