काठमाडौँ। काठमाडौँ उपत्यकामा १९ प्रतिशतले दुर्घटनामा कमी आएको छ।

काठमाडौँ उपत्यका ट्राफिक प्रहरी कार्यालयले उपलब्ध गराएको तथ्यांकअनुसार आव ०८०/८१ मा आठ हजार ८८१ वटा दुर्घटना भएकामा आव ०८१/८२ मा सात हजार १६९ र आव ०८२/८३ मा पाँच हजार ८०३ दुर्घटना भए।

काठमाडौँ उपत्यका ट्राफिक प्रहरी कार्यालयका प्रहरी उपरीक्षक तथा सूचना अधिकारी नरेशराज सुवेदीले दुर्घटना न्यूनीकरणमा नेपाल प्रहरी, ट्राफिक प्रहरी तथा अन्य सरोकारवाला निकायले अपनाएको सतर्कता, प्रभावकारी ट्राफिक व्यवस्थापन र जिम्मेवारीपूर्ण कार्यसम्पादनको सकारात्मक प्रभाव परेको बताए।

“दुर्घटना हुनु आफैँमा दुखद् हो तर सडक नियमको पालाना आफ्नै सुरक्षाको लागि हो भन्ने महसुस सबै सडक प्रयोगकर्ताहरूले गर्नुभयो भने नतिजा सकारात्मक नै आउँछ। त्यसैले ट्राफिक नियमको पालानाप्रति सबै नागरिक जिम्मेवार बन्नुपर्छ‚” उनले भने

उनका अनुसार वर्षभरिका दुर्घटनाको तथ्यांक विश्लेषण गर्दा सबैभन्दा धेरै दुर्घटना गत शुक्रबार भएको देखिएको छ। “शुक्रबार एक हजार १०३ वटा दुर्घटना भएका छन्। त्यसैगरी सबैभन्दा कम दुर्घटना बुधबार भएको छ। जहाँ ६४५ वटा दुर्घटना भएका छन्‚” सुवेदीले भने।

ट्राफिक प्रहरीले सडक सुरक्षामा सुधार ल्याउन चालक र पैदलयात्री दुवैले ट्राफिक नियमको पूर्णपालना गर्नुपर्नेमा जोड दिएको छ।