काठमाडौँ
००:००:००
२ मंसिर २०८२, मंगलवार
काठमाडौं। भारतीय क्रिकेट टोलीले भारत र अस्ट्रेलियाबीचको तेस्रो तथा अन्तिम एकदिवसीय खेल जित्यो। यस खेलमा धेरै रेकर्ड बने।
भारतले नौ विकेटले खेल जित्यो। जसमा ओपनर रोहित शर्मा र विराट कोहली जितका नायक बने।
रोहित शर्माले १०५ बलमा शतक प्रहार गरे। उनको ३३औं एकदिवसीय शतक, अन्तर्राष्ट्रिय खेलमा ५० शतक पूरा गरे। आफ्नो शतक पूरा गर्न उनले ११ चौका र दुई छक्का प्रयोग गरे।
विराट कोहलीले एकदिवसीय क्रिकेटमा आफ्नो ७५औं अर्धशतक पनि प्रहार गरे। यस खेलमा विराट कोहली श्रीलंकाका कुमार संगाकारालाई उछिन्दै एकदिवसीय क्रिकेटमा दोस्रो सर्वाधिक रन बनाउने खेलाडीसमेत बने।
सचिन तेन्दुलकरले १८ हजार ४२६ रन बनाएर एकदिवसीय क्रिकेटमा सबैभन्दा धेरै रन बनाउने रेकर्ड राखेका छन्।
यससँगै रोहित शर्मा र विराट कोहलीले अस्ट्रेलिया विरुद्ध २५ सय रन बनाए। उनीहरू यो उपलब्धि हासिल गर्ने दोस्रो र तेस्रो ब्याट्सम्यान बने।
यस खेलमा रोहित शर्माले १२५ बलमा अविजित १२१ रन बनाए भने विराट कोहलीले ८१ बलमा अविजित ७४ रन बनाए।
