काठमाडौँ
००:००:००
६ श्रावण २०८३, बुधबार
नयाँदिल्ली। ककरोच जनता पार्टी (सीजेपी) ले सोनम वाङचुकलाई पत्र लेखेर उनको अनशन अन्त्य गर्न अनुरोध गरेको छ।
सीजेपीले बुधबार सोनम वाङचुकलाई पत्र लेखेर उनको अनशन अन्त्यका लागि आग्रह गरेको हो।
“डियर सोनमसर‚ अत्यन्त सम्मान र हार्दिक कृतज्ञताका साथ, हामी तपाईंलाई आफ्नो अनशन अन्त्य गर्न अनुरोध गर्दछौँ। तपाईंको बलिदानले देशभरका हजारौँ विद्यार्थीलाई प्रेरित गरेको छ। जुलाई २० मा विभिन्न राज्यका युवा तपाईं र यो आन्दोलनको समर्थनमा बाहिर निस्के‚” सीजेपीले लेखेको पत्रमा छ।
पत्रमा सोनमलाई अहिलेको अवस्थामा आफ्नो स्वास्थ्यको ख्याल राख्नु सबैभन्दा महत्त्वपूर्ण रहेको पनि बताइएको छ। पत्रमा लेखिएको छ‚ “तपाईंले देखाउनुभएको छ कि यो लडाइँ केवल एक व्यक्तिको बारेमा होइन। तर परीक्षा प्रणालीमा न्याय चाहने प्रत्येक विद्यार्थीबारे हो। तर यस समयमा तपाईंले आफ्नो स्वास्थ्यको ख्याल राख्नु सबैभन्दा महत्त्वपूर्ण छ।”
सीजेपीले सोनमलाई उनको अनशन तोडेसँगै आन्दोलन समाप्त नहुने पनि वाचा गरेको छ। पत्रमा सीजेपीले लेखेको छ‚ “हामी यो लडाइँ पूर्ण शक्तिका साथ जारी राख्नेछौँ र परीक्षा प्रणालीमा न्यायको हाम्रो माग पूरा नभएसम्म हाम्रो संघर्ष जारी राख्नेछौँ। हामी यो आन्दोलनलाई अगाडि बढाउन सम्भव सबै गर्नेछौँ।”
सीजेपीका संस्थापक अभिजित दीपकेले एक्समा एउटा भिडियो पनि जारी गरेका छन् जसमा सोनम वाङचुकलाई आफ्नो अनशन अन्त्य गर्न आग्रह गरिएको थियो।
पटनामा विद्यार्थी विरोध : प्रहरीद्वारा पानीको फोहोरासँगै अश्रुग्यास प्रहार
दीपकेले एक्समा लेखेका छन्, “देशलाई सोनम वाङचुकको आवश्यकता छ। उहाँको जीवनलाई थप जोखिममा पार्न नसकिने गरी बहुमूल्य छ। हाम्रा माग पूरा नभएसम्म जन्तरमन्तरमा शान्तिपूर्ण विरोध जारी रहनेछ।”
